مشاركاتي: 12164 تاريخ التسجيل: 04/04/2009 العمر: 26 االتقييم: 24 الإقامة: لبنان  | |
 موضوع: .::: الــولـد "و" الــديـكــ .::.  الجمعة يونيو 26, 2009 6:41 pm |
| [center]بسم الله الرحمن الرحيم السلام عليكم ورحمة الله وبركاته
اليوم ياجماعة الخير جبت لكم قصة مضحكة
ما أطول عليكم
فيه ولد طفراااان
( ماعنده ولا ريال )
راح لأبوه وقاله :
عطني 15 ريال
ودي اشتري كوره
الاب : أقول إنقلع عني تراها واصله معي
الولد : تكفا يا ابوي
بس 15 ريال والا اقولك خلها عشرة ريال
الاب : ماعندي فلوس إذا تبي فلوس رح بع الديك حقك المريض اللي بالحوش ..
الولد :بس هذا مريض ومحد بيشتريه :
الاب : ماعلي منك دبر نفسك
والله الولد استسلم للأمر الواقع واخذ الديك
أول واحد قابله في وجهه اكيد أبوه
قاله الولد : تشتري الديك؟
الاب : اقول بتنقلع عني ولا أقوم اتوطا في بطنك ؟
الولد :خلاص خلاص لاتنفخ طلع الولد من البيت ومعه الديك في محاوله
يائسه إن الديك ينباع عرض الديك على أهل الحاره كلهم ولا واحد فيهم
قبل إنه يشتري الديك قال الولد: ممممممممم والله مالي إلا فلانه عقلها خفيف وأكيد بقدر ألعب عليها بسهوله
>> فلانه هذي كانت وحده متزوجه بس للأسف كانت رايحه فيها و تلعب بذيلها من ورا زوجها <<
راح لها الولد عشان يبيع عليها الديك
الولد : تشترين الديك تكفين؟
هلا والله بحبيبي تعال قرب مني عشان ابوسك بوسه خفيفه ؟؟
الولد :اقول مانيب فاضي لك خذي مني الديك وخليني اروح
تروح مين ياعمري!!!
انا ماصدقت إني شفت رجال عندي في البيت !!
الولد :ومنهو اللي قالك إني انا رجال؟
خذي مني الديك وخليني أنقلع ...
(فــــجــــأهــــ)
الا الباب يدق خافت الحرمه وقالت للولد تعال إندعس هنا في
الدولاب لايطلع زوجي ثم نروح فيها.
حطت الولد في الدولاب وراحت فتحت الباب إلا وطلعلها صديقها اللي تخون زوجها معاه ..
الحرمه:هلا والله بعمري وحياتي
الرجال: يا هلا فيك عمري ما أمدا الرجال يكمل كلمته إلا والباب يطق
الحرمه: ياويلي ويلاه هذا شكله زوجي تعال وادخل في الدولاب
دخل خوينا في الدولاب وفجأه في عز الظلام سمع صوت يكلمه داخل الدولاب ويقوله: تشتري الديك؟
الرجال: اصصصصصصصص,,,,وط صوتك الله يرحم والديك لاتفضحنا
الولد :أقول تشتري الديك؟
الرجال: ياخوي خلاص بشتري الديك بس قصر على حسك تكفى ؟؟
الولد :طيب
الرجال: بس بكم تبيعه؟
الولد :ب100 ريال
الرجال: ايش!!!!!!!!!!!! هالديك المنتوف المريض ب 100ريال!!!!!!!!!!!!
الولد :تبي تشتري ولا ارفع صوتي؟
الرجال: لا لا خلاص,,ابشتري وأمري لله جلسو 5 دقايق
الولد :تبيع الديك؟
الرجال: توك بايعه على يابن الحلال!!
الولد :تبيعه علي ولا ارفع صوتي؟
الرجال: لا لا خلاص,,اببيعه وأمري لله,,بكم تشتريه؟
الولد :بريال
الرجال: أيش!! بريال!!!! انا مشتريه منك ب 100 ونت تشتريه مني
بريال!!!!!
الولد :تبيعه علي ولا ارفع صوتي؟
الرجال: لا لا خلاص,,اببيعه وأمري لله جلسو 5 دقيق
الولد: تشتري الديك؟
الرجال: ياخوي توني مشتريه منك!
الولد :تبي تشتري ولا ارفع صوتي؟
الرجال: لا لا خلاص,,ابشتري وأمري لله,,,بكم تبيعه؟
الولد :ب200 ريال
الرجال: الله يمحط بك انشاء الله توني مشتريه منك ب 100 ريال!
الولد :تبي تشتري ولا ارفع صوتي؟
الرجال: لا لا خلاص ابشتري وأمري لله جلسو 5 دقايق
الولد :تبيع الديك؟
الرجال: انا لله وإنا إليه راجعون
بكم تبي تشتريه؟
الولد :بريال
الرجال: وش تبيني أقول!! تبيني أبكي ولا أشقق هدومي,,,,يالله خذ الديك وببلاش بعد اخذ الولد الديك
شوي ألا الحرمه فاتحه عليهم الدولاب وقالتلهم: يالله بسرعه انحاشو دام إن زوجي في الحمام,,بس واحد ورا الثاني وبشويش عشان
لايحس فيكم زوجي
طلع الرجال وانحاش ولحقه الولد بعده ب5 دقايق المهم,,,قام الولد يتمشى في الشارع وهو مستانس إن صار معاه فلوس ..
بعدين راح للبيت يوم دخل البيت شاف ابوه قدامه .. راح قال لابوه: تشتري الديك؟
الأب ناظر فيه والشرار طالع من عيونه وقاله: مايكفيك يابن الحلال(??)
الــ 300 ريال
اللي لطشتها مني في الدولاب؟؟؟
[/center]
 |
|
مشاركاتي: 3973 تاريخ التسجيل: 19/05/2009 العمر: 16 االتقييم: 3 الإقامة: اعلى القمم | |
| موضوع: رد: .::: الــولـد "و" الــديـكــ .::. الإثنين يوليو 06, 2009 3:26 am |
| ههههههههههههههههههههههههههههههههههههههههههههههههههههههههههه مسكين الاب ههههههههههههههههههههههههههههههههه مشكور ccxxbb
|
|
مشاركاتي: 12164 تاريخ التسجيل: 04/04/2009 العمر: 26 االتقييم: 24 الإقامة: لبنان | |
| موضوع: رد: .::: الــولـد "و" الــديـكــ .::. الإثنين يوليو 06, 2009 3:37 am |
| ِشكرا ع مرورك تحياتي
|
|
مشاركاتي: 3973 تاريخ التسجيل: 19/05/2009 العمر: 16 االتقييم: 3 الإقامة: اعلى القمم | |
| موضوع: رد: .::: الــولـد "و" الــديـكــ .::. الإثنين يوليو 06, 2009 3:39 am |
| العفو
|
|
مشاركاتي: 12551 تاريخ التسجيل: 08/11/2009 العمر: 22 االتقييم: 31 الإقامة: U.S.A NY | |
| موضوع: رد: .::: الــولـد "و" الــديـكــ .::. الثلاثاء يناير 26, 2010 3:23 pm |
| thnxx
|
|
