فى البدايه هذا الموضع قد نقل حرفيا من كتاب " بلد متعلم عليها " ولم يدخل على أسلوب الكاتب أى تعديل بل نقل كما هو بما يحتويه من كلمات قد يراها البعض لاتليق بأن تكون فى كتاب تتداوله أيدى القراء .
ولكن فى رأيى الشخصى هذا الكتاب بصرف النظر عن إسلوب كاتبه فهو يتحدث عن عصرنا الحالى بما يحتويه من ظواهل تطرح نفسها وبقوه على الساحه العامه برغم من أنها فقيره فى أهميتها مقارنتا ببعض القضايا التى قد خفتت الأضواء من حوالها وأترك لكم التقيم فى النهايه



ده فصل بإسم " مصر المحروشه " وجه فى الكتاب ضمن باب " ثقافه قله الأدب " والكاتب لقب مصر بالمحروشه وليس المحروسه نظرا للكم الهائل من قضايا التحرش إلى بتواجه مجتمعنا
وأسيبكم دلوقتى مع " مصر المحروشه "

الزمن و العصر اللي إحنا فيه ده بكل الشواهد هو زمن الإثارة الجنسية ..
الجنس موجود منذ بلايين بلايين السنين ..وكان معروف مكانه ..في غرف النوم أو في بيوت الدعارة .
.لكن في أيامنا السودة دى الإثارة الجنسية بقت موجود في كل حاجة في حياتنا وفى كل لحظة ..و الجنس بقى ارخص من اى وقت و اى زمن ..

تجربة بسيطة ..اخطف رجلك على اقرب بائع صحف ممن يفترشون الأرصفة وفقط الق نظرة ..لا لا نظرتين ..
االنظره لأولى :- على عنوانين الصحف الرئيسية .." القبض على سياسي معروف في أحضان الراقصة المشهورة ...
تفاصيل إصابة المطربة شيرين في منطقة حساسة ..
إدمان أبو تريكه يهدده بالاعتزال ..
سلمى سلمت نفسها للشيطان فغلطت مع ابن الجيران ..
سميحة القبيحة وقعت في الفضيحة " .مع عدد أخر من العناوين المثيرة ..

وطبعا أنت بلهفه تيجى تشوف الإخبار المدمرة دى ..تلاقى أولا :-
إن السياسي المعروف دة اسمه حمدي باتشان والراقصة دى نحمده اساتك وطبعا أنت لو قعدت تعصر في دماغك مليون سنة لا يمكن تفتكرهم عشان الواقعة دى حصلت في أوزباكستان أصلا ..
إما إصابة شيرين فكانت في اكتر منطقه حساسة في جسمها فعلا وهى عينها – انت اللي نيتك قذرة يعملولك أيه يعنى –
إما إدمان ابوتريكه فهو فعلا حقيقي لان أبو تريكة بياكل كراتيه وبوظو بدرجة متوحشة تصل للإدمان .. ونتيجة لده حايتخن ولما يتخن حايبقى مهدد بالاعتزال – شفت ازاى-
.. اما قصص الدعارة اللى فيها بتاعة سميحة ورشا فالصحفى بيقعد كدة فى ليلة مفترجة مع كباية شاى تقيلة فى البلكونة يسرح فى بنات الحتة عنده ويألف قصص عليهم ,
والعنوانين طبعا مش كفايه ..لازم عدد محترم من صور فاضحة لنجمات البورنو وممثلات او موديلز اجانب فى اوضاع مثيرة وتقريبا من غير هدوم ..متصلبين فى جلستهم ..متصدرين الاغلفة .
.وبالطبع مستحوذين على عقلك وتفكيرك وانتباهك ..وقبل ذلك شهوة فضولك الذى بدأ يترنح بعد قراءة العناوين المثيرة مع صور المذذ فعملو احلى دماغ تخيل ما تسخسرش جنيه ولا اتنين ابدا فى الجرنان..!!,


اما النظرة الثانية :-
فهى على كم العدد الرهيب من الجرائد التى تنتمى لتلك النوعية القذرة من صحافة الفضايح ..,
وانضم للادب وعالم الرواية ..فلاسف اقتحم عالم الادب مجموعة من الدخلاء عليه اقحمو الجنس فى اعمالهم بصورة مبالغ فيها لايجاد عنصر النجاح لها ..
واصبحت انجح الروايات واكثرها مبيعا الان لا تخلو من صفحات وصفحات تسحبك برفق لعالم اخر من الخيالات الجنسية وتشطح بذهنك هنا وهناك لاحلام جنسية تجعلك فى صورة غير طبيعية من الاثارة المستفزة ..,
واذا حاولت ان تسيطر على انفعالاتك فاغلقت الكتاب سريعا وقلت لنفسك اية السفالة دى ..
ستجد المؤلف ظهر لك وكانك حضرته ..تجده منزعجا جدا من وصف رواياته بالاباحية ..
بل ويتهمك انت بالتخلف والرجعية وانك جاهل ما بتفهمش فى الادب والفكر والابداع ..,
ياعم طيب نتفاهم بالراحة ..يعنى لما تقعد من صفحة عشرين لاربعين عمال توصف فى جسم بنت وتفاصيلها ..اية يعنى هو البنات دى كائن من الفضاء ماحنا عارفين البنت وجسمها ..
لما تقعد كمان 15 صفحة عمال توصف تفاصيل علاقة حميمية بين اتنين عشاق واحنا تقريبا مركبين قرنين واحنا بنقرا ..
ياعم هو احنا مولودين شيطانى ..ماحنا عارفين العلاقة وتفاصيلها ولا انت بتراجع أهلنا ولا اية ..كتير اوى من كدة لما الواحد كتير بيسال نفسه ..دة ادب ..ولا قلة ادب ..؟؟