المفاجاة الكبرى - لكل زائر - الان يمكنك رؤية جميع المواضيع والروابط والرد عليها

تاريخ التسجيل: 03/08/2008

السلام عليكم ورحمة الله وبركاته
=========================================

كيف حالكم يا وحوش الراب عساكم بخير

اليوم بعرض لكم اول دروس الرابر

الي اغلبكم يعرفوهـ الرابر دوامه

والدرس اليوم هيكون عباره عن بدايه بسيطه

نشرح فيها اهم الاساسيات الي لازم يعرفها كل واحد قبل

لا يدخل الساحه

وبسم الله نبدأ الشرح

اول شي لازم يكون عندك كرت صوت بـ 300 ريال

ومايك ب 250 ريال

هذا الكلام الفاضي طفشنا منه نشوفه في كل المواضيع

وهو شي مو مهم بس اشوف بعض الي ينزلوا مواضيع

حاطينه من الاشياء المهمه لتعلم الراب

وانا اقول أي واحد يقدر يغني بالمايك الي عنده

وكرت الصوت الي عنده كبدايه الى ان يشوف نفسه احترف الراب

هذا الوقت يروح يشتري كرت صوت كرييتف والا مايك بـ 200 ريال

يعني اتفقنا الكلام الي فوق فاضي ماله أي داعي

نخش الحين على الجد

اولا راح نتكلم عن اقسام الاغنيه كبدايه عشان نكون على بينه من الاول

تنقسم الاغنية عادة الى ثلاث اقسام اعتمادا على محتوياتها :

1-الانترو (يعني المقدمه غالبا تكون في لحن البدايه)
2-الكورس ( غالبا يكون مقطع يتكرر على طول الاغنيه احياننا يكون على اربع جمل واحياننا يكون على ثمان جمل ) وانا شوفت موضوع عنه كافي ووافي ويمكن تستفيدو منه
3-مقطع الراب (دائما يكونون 16 سطر لكل مقطع وغالبا يكون ثلاث كقاطع او اربعه في الاغنيه الوحده وعلى حسب طول الاغنيه )
4-الاوترو ( هو الخاتمه )

وفي اشياء اضافيه مثل اسكيت وهو المقطع من غير لحن قبل الاغنيه

واحيانا بوسط الاغنيه واحيانا في نهايتها << على حسب المزاج

الحين كذا اضن لما تجيك اغنيه تعرف وش

الي فيها وتعرف تقسمها حسب كلامنا الي فوق

والحين نجي لاهم حاجه وهي كيف

تكتب اغنيه حلوه تعجب الجمهور

اولا الي ما عمره كتب اغنيه وما يعرف في الراب شي

هذا رابط اذا شفت نفسك فاضي يوم طقطق

عليه افتحه اقرا الي فيه

هو موقع لتعليم الفري ستايل والراب بس

مركزين على الفري ستايل ومسوينها لك خطوات

والفري ستايل تقريبا زي التسجيل ويساعدك

بعدين على تسهيل الكتابه

وهو الموقع بالانجليزي للي يعرف للانجليزي

والي ما يعرف الله يخلي الوافي

وهذا هو الرابط

http://www.flocabulary.com/freestylerap.html

الحين نرجع للمهم للي يبو يكتبو اغنيه

اولا لما تحاول تكتب اغنيه لازم يكون وعيك

في الموضوع الي تبي تكتب فيه كبير

وتعيش الكلام الي تكتبه وتحس فيه بقلبك وتعبر

عنها بكرشتك اقصد عقلك

وتركز في الكلام وتحط له لحن براسك

عشان يطلع معاك كلام منسق حلوو

نعطيكم مثـــــــــــــــــال :

لما اكون بعيد لحد يلومني بشي
لما اكون وحيد والعالم حولي حي
دقات قلبي تخفق بصمت مشاعر
وبداخلي يسري احساس شاعر

يعني حاول اذا كتبت اربع كلمات بالجمله الاولى

تكتب اربع كلمات بالجمله الثانيه

زي المثالي الي فوق شوف الجمله الاولى

تتكون من ست كلمات والثانيه نفس الشي

ويكون اخر كلمه في الجمله الثانيه لها نفس

الحرف لاخر كلمه في الجمله الاولى

واكرر عشان تطلع اغنيه حلوه عيش الكلام

الي انت تكتبه اسرح بالكلمات

وحس فيهم بقلبك وعبر عنهم بعقلك

ولازم يكون عند الكاتب حصيلة كلمات عشان

لا يتورط في نص الاغنيه

ما يلقى كلمه تمشي على الوزن الي عنده لازم

يكون عنده بدائل او كلمه شبيهه

نعطيكم مثـــــــال :

مكسور الجنحان مكسور الخاطر
حزين الماضي حزين الحاضر

شوف هنا كلمت الخاطر وكلمة الحاظر

فيهم شبه وجايه على نفس الوزن صح

وفي الراب تقدر تدخل بعض الالغاز وكلمات

كوميديه واحيانا يكون الموضوع الي تتكلم عنه جاد

فيكون الاسلوب فيه جاد والكلمات جاده

او يكون هجومي ولازم الكلمات الي تكون فيه قويه

يعني الراب ماله طريقه معينه انت الي تشوف

الطريقه الي تتناسب مع موضوعك وتعبر بهاا

خلوني اعطيكم مثال لاضافة الكوميديا والالغاز

بتم مواصل بالدرب الي مشيته لين النهايه
ماشي على خط الدائره وحلمي نقطه الصفر
نقطه الصفر تممركز بمركز الدائره
يعني 11 لاعب يركضون ورا كوره مدوره

ماشوفكم استغربتو منهم بالعكس تشجعون
بشنو هم احسن
يلعبون لعبتهم وانا العب لعبتي

هنا نشوف اسلوب استفهام وتعجب ولكن

بنفس الوقت اسلوب تريقه ( طنازه ) وتحدي

اتمنى يكون هالشي واضح

نرجع نتكلم الحين عن اللحن وتنسيق الكلمات

لازم يكون عدد الكلمات متناسقه على اللحن

مثلا بعض الالحان تحتاج انك تغني عليها بشكل سريع

فيحتاج انك تكتب عدد كلمات كثير في السطر

الاول عشان تمشي مع اللحن

ودائما وابدا الي تتبعه انك تخلي لحنك هو صوت

الطلقه وحاول تترك الاصوات الثانيه الي بلحن

وتخلي لحنك هو الي يمشي على الالحان الي بالخلفيه .

وهذا كل شي يتعلق في الكلمات وكيفية كتابة اغنيه

كذا نكون خلصنا درسنا الاول واي استفسار حاظرين

واسفين اذا طولنا عليكم

واتمنى انكم استفتوا ولو شي بسيط من درس اليوم

وان شاء الله الدرس الثاني يكون اقوى

بس في سؤال ابي رأيكم فيه للي يهمه الموضوع

ودمت لمنتداكم شمعات تضيئ دروبه نحو الابداع

================================================== ======
تـــــــحـــــــيـــــــاتـــــــي
مــــــنــــــقــــــول

الموضوع الاصلى : تعلم الراب ( 1 ) المصدر : CRazy RappErs ConneCtion الكاتب : - MoRo -

تاريخ التسجيل: 31/12/2008

:lol!: :bounce: :confused: :affraid: :afro: :arrow:

الموضوع الاصلى : تعلم الراب ( 1 ) المصدر : CRazy RappErs ConneCtion الكاتب : الجارح

تاريخ التسجيل: 08/10/2008

__________________

موضـــوع مهـــــم جــــداً ياإخـــــــــــوانــــي ارجــــو دخــــــول

الموضوع الاصلى : تعلم الراب ( 1 ) المصدر : CRazy RappErs ConneCtion الكاتب : علي افندي

تاريخ التسجيل: 08/04/2009

مشكورررررررررررررررررررررررررررررررر

الموضوع الاصلى : تعلم الراب ( 1 ) المصدر : CRazy RappErs ConneCtion الكاتب : مدمر السودان